Ym em u ye ka sorkar Congress u leh yei kaam yong ka : Conrad Sangma

Jowai : Ynne ka 23 tarik u National President ka National Peoples Party, u Conrad Sangma hei yaklam wa kiwa e khubor ha Conference Room ka Circuit house da pynsñiaw u yeiwa mut ka seiñ yong oo u leh wei da beiñ u leh ya ka sorkar hapoh ka Congress wa ym ye ko u leh yei kaam yong ka.

Hei yatoh wa i khang wow tih mooyong u Conrad da ong u wa haap pyrkhat ya pyn ar liang kiwa chah ktah na u mooyong kam kiwa dooh khih wei kiwa chah ktah hei man bih ki um ki wah ha kylleiñ ka ri-loom Jaiñtia. Da ong u wa emkaam u chna ya ka aiñ ka wow myntoi pynar liang kiwa chah ktah.

Hei yatoh wa ka Shopping Complex ha  Iawmusiang kawa da booh Moonongrim da u pa u yong oo u Tynde u Purno A. Sangma kawa da sahteiñ i chna da ong u wa dei langær jooh yaklam u yeini wa u Montri ka DONER uwa da kular leh wow pynsmat u chna pyndep noh ya ka.

Neiliang yong oo hei yatoh wa ki tnat waphær waphær da ong u wa ka jylla hi emkaam ko u chna ya ki policy krehkaam jar jiar ki tnat wow ku wow roi ka jylla wei da ong u leh wa emkaam u dam ki paidbah u yooluti yei kreh sorkar deiwa pynchlur wow krehkaam samen næ ki Private Sector.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka seiñ da ong ko leh wa ha ki kaam yalehke emkaam u booh da ki Sports Academy ha kylleiñ ki thaw kiwow sikai ym du wow pynpliah ya ki kaam sports tangwa wat wow e sikai ya ki khynnah hei puræ puthi.

Ha kani ka sngi da em leh u MLA, u James Sangma wa kiwi kiwi kiwa krehkaam ka seiñ.