Ym em uwi leh wow mih na ka Congress, ong u Faleiro

Shillong: U General Secretary ka All India Congress Committee (AICC) uwa pait ya ka Meghalaya u Luzinho Faleiro da kyntait u wa em iwon iwon i sakhiat wa ki MLA ka Congress u yut ki na ka Party. Hawa yaklam wa kiwa thoh khubor ynne ka sngi, da ong wa toh du ki khubor thok neibhah wa da dep yaklam u wa ki deiwa yachem kyrpang leh ya uwi pa uwi ki MLA hajrong ini.

Ini i klam u Faleiro toh neidaw wa ha kini ki sngi, da mih khubor wa em ki MLA ka Congress kiwa thmu wow mih noh na ka seiñ.

U Feilero da kam u wa haka Congress yatylli waroh ki MLA wei u neh ki hapoh ka seiñ khamtam hawa ka aiñ leh khang laad ko ya ki MLA wow mih ki katwa ngait ki.