Ym em wa kyrchaan ya ka Adjournment Motion u Adelbert wow yaklam hajrong ka Roster System

U MLA ka KHNAM na North Shillong, u Adelbert Nongrum ynne hapoh ka Yung Dorbar Chnai Aiñ da wanrah u ya ka Adjournment Motion yow pynsangeh ya ka dorbar neibynta wow yatai hajrong ka Roster System deiwa ong wa kani ka rukom booh bhah thymme yei yoh kreh hapoh ka Reservation Policy toh kawa da ktah bha.

Da e daw u wa wot ka MPSC da hap ko wow pynbna thymme ya ki kreh wa lait wot hadien wa da dep wow pynbna paidbah chwa wei nadooh u Montri Rangbah wa kiwi ki Montri sorkar leh da pynsñiaw ki yei eh wa mih neiwa em kani ka Roster System.

Neiliang u Lamphang ka yung dorbar da kdaw u wa katkam ki kyndon, ym ye wow wanrah ya ka Motion kawa ym ye wow chim rai neibhah ya ini da dep u wow wanrah chwa nachwa wei ym em wow ye u chim ya ka rai. Hanla kattæ leh da e laad ya u Adelbert wow e u yei klam hakhmat ka yung dorbar.

U Adelbert da ong u wa hadien wa pynmih ka Meghalaya High Court ya ka hukum ha uni u snem, da jia ar tylli kiwa khia kitæ ha u Naisan wa Naiynru heiwa da pynmih ya ka Office Memorandum (OM) da ka Personal Department ha ka 10-05-22 hawa yatoh wow booh ya ka Reservation Roster wa iwa ar toh hadien wa pynbna kreh wa lait da chem wa i rukom bhah yei kreh toh iwa noh chiliang du cha kawi ka jaitbru.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Ini da pynman sakhiat ko yeiwa da tieñ da kiwa boon hawa yoo ya kani ka Advertisement kreh wa ym em de man salonsar wei da em i noh chiliang heithaw wow yoh laad i jooh ya waroh.

Da kdaw u wa hapoh ka Reservation 40% toh u man ko neibynta ki Khasi wa Jaiñtia wa 40% won toh ya ki Garo hajrong ini da ong u wa 50 snem nachwa ka Reservation Policy toh kawa noh chiliang chwa cha kawi ka jaitbru wei katni deiwa wan ka Roster System wei lyngba kani ka OM da noh chiliang biang cha kawi ka jaitbru. Da pynrap u deiwa ong wa ym kwah u wanrah yei sñiaw yaphær tangwa yow yoh salonsar yei hok yow heh u san ka jylla.

U Lamphang da pyntip u wa katkam ka ki kyndon pynlai ya ka dorbar da emkaam 10 ngut ki MLA wow yieñ yow ye u pdiang yaklam ya kani Adjournment Motion tangwa ym em wa yieñ kamtæ da pyndam noh yei wanrah ya kani ka Adjournment Motion.