Ha i lai kynreh ki dkhot ka Federation of Khasi Jaintia & Garo People (FKJGP) ya ka thaaiñ Keating Road, Shillong da chem wa i kyntoor pood yow chna ya ki yung ki sem wa ki karkhana da joor bha hadooh wa da yoo paar-snieh u pait neidaw wa tngit.
Ha ini i lai pait ya kani ka thaaiñ da em leh ki sahep sorkar ka yong ka Shillong Municipal Board (SMB), kiwa da chim leh yei pyrtuid yong ki bru kiwa pynemkaam ya ki thaw wa kiwa chong wa sah. Da chem leh wa kini ki bru kiwa chong wa sah ha katai ka thaaiñ da baam lut ki yei thaw wot ya ka nala wa pyntooid um wa ki sarok.
Neiliang u Khraw Lynshing uwa man u Secretary ka FKJGP Malki Circle da ong u wa man-i-por da jooh yoo wa ki bor wa toh u pait sñiawsuk ki wow khyndang lada em i kyntoor thaw ha ki chnong Khasi, katwa i baam thaw iwa joor ha katai ka thaañ kopsar tieñ ki u wow leh iyi iyi.
Uni uwa yahkhmat ka FKJGP da ong u wa kam ki bor wa toh u pait toh u kynreh ki deiwa khlem leh chilliang.
Ha kane ka sngi ka FKJGP Malki wa ki dkhot na ka seiñ bei da khang khyrdep ki leh ya boon tylli ki dukan ha Keating Road hadien wa da chem yei wym biang yong ki kot ki sla kiwa kreh mylla wa kiwa seiñ dukan ha katai ka thaw.
Discussion about this post