Ka Jowai Circle yong ka JSU ynne ka sngi hadien wa yoh ujor na kiwa boon wym em wa sikai ha ki ar Subject, ka Biology waka Environment Science ha ka Science Stream ha Govt. Girls’ Higher Secondary School, Jowai la ynru bnai kattu, ka seiñ da lai yachem ko ya ka Vice Principal.
Neiliang ka Principal da ong ko wa dadep thoh boonsien cha u Director of School Education and Literacy tangwa hadooh katni ym yoh jubab.
Ka seiñ sñiawkhia ko yeini i wym mano ka chnat puræ puthi neibhah kattu da jan thoh Exam ki khynnah sa chi bnai donhi.
Ka seiñ da ong ko wa ka sorkar jylla heh ko du i kular ha ki khubor tangwa khlem chimkhia won yeiwa duna ki thaw puræ.
Chooh chooh ka seiñ ban joor ko ya ka Directorate of School Education and Literacy wow chimkhia yeini hapoh chi tayaaw wow thung ya kiwa sikai ha Govt. Girls’ Higher Secondary School Jowai khnang wym ktah ko ya ki khynnah puræ.
Kani toh ka Wyrta na u President ka Jowai Circle u Borntifulson Rupon.
Discussion about this post