theme-sticky-logo-alt
theme-logo-alt

Ym em wa wan wow dawa tipmit ya ki Niam Khasi wa Niamtre kam ki niam khian paaid: Bishweswar Tudu

Advertisement ad1

U Montri Khynnah ka sorkar pyrdi namo u Minister of State wa pait ya ka Tribal Affairs, u Bishweswar Tudu uwa em ha Shillong hawa kylli chaphang i pynkrehkaam ya ka ILP hapoh ka jylla da ong u wa ka sorkar pyrdi neipor chei por da phah ko ya ki Montri cha ka thaaiñ Northeast yow lai pait ya ki kaam wa ktah ya ka thaaiñ.

Kamtæ da ong u wa oo leh daw lai rah u ya ka Report yeiwa chem u cha ka sorkar pyrdi yow pait yeini wei manda wan biang u sa chisien daw ye u wow e jubab hajrong ka ILP kamjooh yei tipmit noh ya ka ktien Khasi wa Garo hapoh ka Eight Schedule ka riti synchaar hapoh ka ri.

Advertisement ad1

Heiyatoh wa i dawa kiwa bood ya ka Niam Khasi wa ki Niamtre yow tipmit noh ya ki kam ki niam khian paaid, u Tudu da ong wa ym em wa da wan cha oo wow dawa yeini.

Da ong u leh wa em boon ki jaitbru ri-loom hapoh ka ri kiwa ym pu em yoh yei tipmit wei yow leh yeini da em ki kyndon wa hap u bood wei lada ye u pynhun ya waroh ki kyndon daw leh yeiwa emkaam.

Hajrong ki Niamtre wa ki Niam Khasi da ong wa lada em i dawa wa poi ha oo, daw phah u ya ki bru wow lai chim yukheiñ wei wow thooh bniah katkam ki kyndon wei hadien ini ka sorkar daw chong bichaar ko wei lada biang ye ko wow leh katkam wa da dawa.

Share this:
Previous

Khlaad noh u Ma Lakhon Lato

Next

Ym hun u Tudu yei pynkrehkaam ya ki Scheme sorkar pyrdi hapoh Meghalaya