U Secretary ka All India Congress Committee (AICC) In-charge Meghalaya, u Manish Chatrath da ong u wa ym em iwon iwon i yaklam wow pynkylla ya uwa yahkhmat ha ka Meghalaya Pradesh Congress Committee (MPCC).
Da pyntip u wa i wan yong oo cha Shillong neibynta ar sngi toh yow tipmit ya ki MLA wei wow yaklam ya ki kaam yow pynkhlan chooh chooh ya ka Party.
Kam wow kdaw heini wa da em ki MLA ka Congress ha kani ka jylla kiwa da dawa wow kylliang noh ya u President ka Party, heiwa da pynsñiaw ki leh yei pyrtuid u MLA na Nongthymmai, u Charles Pyngrope wow man kam uwa yahkhmat wa thymme ka Party. Hawa kylli, neiliang u Manish da kyntait wa ym em ki MLA kiwa pynsñiaw cha oo hajrong kani ka phang.
Hawa kylli chooh chooh, da ong u wa i jied ya uwa yahkhmat wa thymme ka Party u man ko lyngba ka Election wei ym em booh yaka samoi krehkaam.
