Heiyatoh wa i kam wa ki thaw pyllang yei jhep Uranium ha Nongbah Jynrin kiwa da tyllep chapoh khyndaw wei da tymmoh da ki top khyndaw bilat wa da man ki kiwa kaad wa pai wei da em leh i mih i Radiation na uni u mar pohkhyndaw, u Montri Rangbah ka jylla u Conrad Sangma ynne ka sngi da ong u wa ka DC wa u SP toh kiwa kitkhlieh yaka District wei man ko wa iwa bakla ya kiwon kiwon ki seiñ wow kyntait yei chem ki khlieh District.
Chooh chooh da ong u wa ki khlieh District daw ap ki yeiwa ong ki bru wa chemphang ha kani ka kaam yow pyntikna wa iwon iwon iwa kam ki bru toh iwa sakhiat. Wei man ko wa bakla wym bien u pdiang yaka Report ka sorkar.
Heijooh i por da ong u wa lada em kawon kawon ka Report wa ong toh wa em i liat i Radiation kawa ym pu em u yoh kam katæ u chimkhia yaka neibhah kani ka kaam toh kawa emkaam bha wei ka sorkar leh chimkhia ko ya ini wei daw phah pait bniah ya kani ka kaam wei daw yaklam waka chnat Forest wa kiwi kiwi wei daw chim yaka rai kammon wow lai chakhmat.
