Uwa yahkhmat ka Bharatiya Janata Party ha Meghalaya, u Alexander Laloo Hek da ong u wa ym yoo wa em iyi iyi i leh wow yohnong kaam saiñpyrthai hajrong i kem ya u MDC ka Tura uwa man leh u Vice President ka BJP, Meghalaya u Bernard N Marak.
Da ong wa i kaam katni em ko ha kti yong ka aiñ, wei ka aiñ daw leh ko ya iwa emkaam neibhah katni u Bernard da chah kem wei ka takit dang lai ko deiwa pynrap wa ya katni ym pu ye u ong iyi iyi.
Hawa kylli, u Hek uwa man u MLA wei uwa e buit yong u Montri Rangbah, da ong u ym tharai wa daw em yatoh wa ka Election, tangwa da pynsñiaw wa ka BJP ym sñiawsuk won ko yei pynthut ya kiwa yahkhmat Party da ki pulit ka Tura Police Station.
U National Executive Member ka BJP da beiñ u leh yei leh ki pulit wei da ong wa i leh ki pulit man ko i wym ye u pdiang, neibhah wa da khut hi-eh ya kiwa kreh ka Party katwa ngait wei da phah yang da boon kynta ha Police Station.
