Ka sorkar pyrdi da pynjoor bha ko yei dai ya ki 5 Kg LPG Cylinder lyngba ki LPG Distributor wei kiwa thied ya kini emkaam ki du wow pynyoo ya ka ID. Neiliang ka Ministry of Petroleum & Natural Gas da ong ko wa kamwa 6.6 lak tylli kini ki tadong dadep wow dai hadien ka 23 tarik u March yow pyndap yeiwa emkaam ki bru.
Kini ki Cylinder khian phær ki na ki Domestic 14.2 Kg Cylinder heiwa yei dor ki man i katkam i dor cha ki yaaw ki haat iwa mut wym em Subsidy ki wei i dor ki leh man ko katkam i thaw wa thied ki wei ym emkaam leh wow e ya ka Security Deposit.
Yeini da leh yow yarap ya kitu kiwa kreh mylla wei kiwa wan na kiwi ki thaw yow suk ki u yoh Gas yow chet u tu.
Ka Ministry da ong ko leh wym em duna ki LPG heiwa da saam palat 15 lak tylli ki Domestic Cylinder du ha ka 4 tarik uni u bnai wei 95% i Booking toh kiwa da leh da Online.
Chooh chooh da pyntip wa da yoh wow kem palat 50,000 tylli ki LPG Cylinder wa murieh ki bru yow dai ha ki Black Market.
Da phah leh palat 1,400 tylli ki Show Cause Notice wei da em 36 tylli ki Distributor kiwa da chah Suspend kiwa tyngkheiñ kyndon.
Discussion about this post