Neiliang ka Jaiñtia Students’ Union (JSU) waka Jaiñtia National Council (JNC), da pyrchah joor ki yei klam ka Dr. Mazel Ampareen Lyngdoh, kawa man kawa e ktien ya ka sorkar MDA-II, hajrong i ong ko wa kiwa pyrchah ya i thmu ka sorkar wow wanrah ya ka luti rel ha East Jaiñtia Hills toh u puræ bniah ki heiyatoh wa i man i long ka Mendipathar Railway Station, kawa em hapoh Ri-loom Garo.
Neiliang ki ar seiñ da ong ki wa ym em iwon iwon i pyrchah ya iwon iwon i thmu ka sorkar jylla wei ym mut i wa pyrchah ki ya i roi i paar tangwa pyrchah ki hajrong ka yurim wow yada ya ka pateiñ neibhah da chynna jngai wa lada e laad ya i thmu ka sorkar wow wanrah rel hapoh District, daw booh ko hei maa ya ki tre ri neibhah hadooh katni ym em ka aiñ kawa khlan wow yada ya i nei wan ki baar jylla wei ympu em leh ka aiñ kawa khlan wow yada ya i khih i kreh ki tre ri.
Da e leh ya ka Wyrta cha ka Dr. Mazel Ampareen Lyngdoh waka sorkar jylla wym emkaam wow puræ bniah ya i em ka rel hapoh Ri-loom Garo neibhah wa da yieñ skem ki hajrong ka yurim wa skem wow pyrchah ya ini i thmu ka sorkar wow wanrah ya ka luti rel.
Kani toh katkam ka Wyrta na u Jersom Shylla, President ka JSU- CB wa u Sambormi Lyngdoh, President ka JNC-CEC.
Puræ leh: Ha Garo Hills em luti rel tangwa ym em itæ i wan psiah kiwa na baar: Ampareen Lyngdoh
Discussion about this post