U Union Minister of State for Home Affairs, u Nityanand Rai, hawa e yei jubab deiwa thoh dei thoh heiyatoh wa i pynkhreh wow thap yutip wa thymme hapoh ka National Population Register (NPR), ha Lok Sabha ynne ka sngi, da ong u wa ka Population Register toh ka Register ka wow em yaka yutip wa bniah chaphang ki bru wa sah cha palatsor, ki sor, ki sor khian wa kiwi kiwi de ki thaw.
Ka NPR toh kawa da pynkhreh nyngkong ha u 2010 wei da thap thymme ya ki yutip ha u 2015. Deiwa bood yaka Sub-rule (4) of Rule 3 ka Citizenship (Registration of Citizens and Issue of National Identity Cards) Rules, 2003, kiwa em hapoh ka Citizenship Act, 1955. Ka sorkar pyrdi da pynkhreh ko wow pynthymme yaka nadooh u April hadooh u September, 2020 ha waroh kawi ka ri lait noh ha Assam, yow pyllang ya ki yutip yong waroh ki bru ha waroh ki chnong.
Hawa jubab won ya ki jait kot ki sla wa emkaam hawa e yutip wa thymme yaka NPR, u Rai da ong u wa ki yutip chaphang kawi pa kawi ka manyung, kiwa wan neiwon wa kiwi de kiwa emkaam daw kylli wei ym emkaam u pynyoo ya ki kot ki sla. Ya u Aadhaar Number won ye u chim wei chong ha ki paidbah kiwa kwah u e.
Chooh chooh da ong u wa ym leh ya iwon iwon wow pynsakhiat lada em iwon iwon wa suba hawa leh ya ini wei kiwa e yutip toh u khana ki katkam wa tip ki. Ka sorkar pyrdi dang yaklam ko leh wa ki jylla heiyatoh wa ini i pynkhreh yaka NPR.
Heiyatoh won wa i pynkhreh yaka National Register of Citizens, u Rai da ong u wa hadooh katni, ka sorkar ym pu em chim ko yaka rai wow pynkhreh yaka National Register of Indian Citizens (NRIC) haka ri.
Discussion about this post