Ka sorkar Meghalaya da pynkylla ko ya ka Meghalaya Professions, Trades, Callings and Employment Tax Act iwa da pynman wa waroh hap ki u Register khlem pep heiwa ha ki thaw wa haap hapoh ka Sixth Schedule daw leh yeini da ki District Council katwa ki thaw wym haap hapoh ka Sixth Schedule daw leh da ka Taxation Department.
Ini mut wa kitu kiwa yoh hapoh T. 1.8 lak chi snem ym hap ki wow su dan heiwa nachwa ini man ko du kiwa yoh hapoh T. 50,000 chi snem kiwa lait ya kani ka dan.
Chooh chooh da pynkylla leh yei rukom kheiñ ya ka dan kawa nachwa wa em 12 jait tangwa katni da kheiñ du 4 tylli donhi.
Ini mut i wa kitu kiwa yoh T. 1,80,000 hadooh T. 3,00,000 chi snem daw hap su ki T. 500 donhi, kiwa yoh T. 3 lak hadooh T. 5 lak chi snem daw hap su ki T. 1000, kiwa yoh T. 5 lak hadooh T. 7,50,000 chi snem daw hap ki wow su T. 1500 katwa kiwa yoh T. 7,50,000 chaneiñ chi snem daw hap ki u su T. 2500.
Da ini i pynkylla, kitu ki wym su ya ka dan ym hap ki wow chah kem kam nachwa hadooh 3 snem tangwa da hap ki u su soo chah ya ka dan wym em su ki.
Kitu won kiwa slem u su daw kheiñ sa ka sut kawa T. 12% chi snem.
Ka sorkar da mynjur ko leh ya ka National Law University Ordinance 2022 wei daw wanrah ya kani hapoh ka dorbar chna aiñ ka jylla wei daw sdang u krehkaam kani ka University na i thaw wa chipor deiwa chim 60 ngut kiwa lai puræ ha ka chi snem hei lut wa T. 6.5 klur chi snem.
Ka sorkar da mynjur ko leh ya ki kreh (Sanctioned Post) neibynta ka Model Degree College ha Rongjeng, East Garo Hills District.
