Ka Voice of the People Party (VPP) da booh ko ya kawi ka mat ha ka yakhih dawa pynthymme ya ka Reservation Policy, wei itæ toh wym e laad wow pynlut phut ya ka poisa yong ka jylla deiwa thung ya ki Chairman wa ki Consultant wei kamjooh ya ki Adviser wa Chief Adviser ya u Montri Rangbah.
U President ka VPP, u Ardent Miller Basaiawmoit da beiñ u ya ka sorkar wa da thung ko ya ki kyrtong wa da rem Election kam kitæ kiwa e buit ya u Montri Rangbah iwa pynsepai ya ka poisa paidbah, wei da ong u wa lada u Montri Rangbah dang emkaam u ya kitæ ki Chief Adviser wa Adviser pynyoo wa ym chkæh wym hoi u wow man kam u Montri Rangbah ka jylla.
Chooh chooh da ong u wa ka VPP ym e laad ko wow thung ya ki Consultant da ki spah ngut khlem myntoi ka jylla, deiwa pynrap wa em ki sahep sorkar kiwa thung da ki kurim kam ki Consultant.
