Ka seiñ KSU-EJHDU da pynsñiaw ko yei wym hun yei rukom pynchna ya u sarok NH-06 iwa da yoo lakam wa leh tangdep wei wym yoo yahaap iyi iyi leh najrong wa slem i rukom kreh.
Da ong leh wym yoo tikna yei psiang wa da pynemkaam wei da em leh ki psiang kiwa da khloh kiwa da poi cha rood sarok.
Ini waroh da ktah ko ya ki paidbah kiwa da jhan wow dep noh u chna ya u sarok neibhah katni wa da rang i bneiñ da hap ki wow chah sa i laphooh iwa da hær chapoh yung, chapoh dukan, chapoh ki kchu chet wei khamtam ya ki pli ki khynnah wa lai skur.
Chooh chooh da ong wa kattu dapoi ka samoi lehkmen Christmas wei kammon u lai yaseiñ iwa da man kamwa lehbeiñ ya ki paidbah.
Ka KSU da chim ko ya ka rai wow yang hadooh wa kut uni u bnai yow pait yeiwa da ong u DC wow siang psiang ha uni u bnai wei lada ki bor wa toh u pait ym leh ki yei kaam daw rai deiwa eh.
Discussion about this post