Kawa e ktien yong ka sorkar MDA-II kawa man leh ka Montri wa pait ya ka chnat i chait i khiah, ka M. Ampareen Lyngdoh da ong ko wa ka sorkar jylla daw chimkhia ko wow pyntikna wa ka sorkar Karnataka u pynchitom ko deiwa eh ya kiwa emkti wow e baam deiwa da sih da man bih cha ki khynnah skur ha chnong Malavalli wa em hapoh ka Mandya District, iwa da wanrah syndon yei khlaad noh ki 2 ngut ki khynnah skur kiwa na Meghalaya wa palat 20 ngut kiwa da yoh kjut.
“I ym hun i lada ka sorkar Karnataka leh ko du kajiak donhi deiwa pynchitom du malu mala donhi”, da ong ka Ampareen.
Ka Montri da ong ko wa ka sorkar da phah ko ya ki sahep wow lai tih bniah ya iyi wa da jia deiwa pynrap wa ini man i iwa kthang hadooh kattæ kattæ wei ymtoh de wow jia kam ini.
Heiyatoh wa kammon poi kini ki khynnah cha katai ka skur, da ong ko wa ki pynbaad da em ki boon jait wei ka sorkar daw pyntip ko hadien wa ki sahep ko wan ki na Karnataka neibhah daw man biej u ong khlem da tip tre.
Da kyntu ko leh ya ki bei ki pa hawa phah ya ki khon wow pyntikna chwa yei long i man i thaw puræ.
U Montri Rangbah ka jylla, u Conrad Sangma won da pyntip u wa ka sorkar Karnataka da khang noh ko ya kani ka skur wei ka sorkar Meghalaya u yaleh ko katwa ye yow wanrah biang ya kini ki khynnah cha yung ki.
Discussion about this post