Ym jooh yoh ki ASHA palat Rs. 2000 ka nong, u pteiñ biang ka yakhih khlem booh por

Kiwa kreh ASHA ynne ka sngi da rai ki wow pteiñ yei yakhih deiwa sangeh yei kreh khlem da booh por ha waroh kawi ka jylla hadien wym sñiaw yahaap ki yei klam ka Montri i chait i khiah, ka Dr. Ampareen Lyngdoh.

Ya ini da pynbna da ka President ka Meghalaya ASHA Workers’ Union (MASHAWU) ka Maryjune Myrsing hawa pyntip wa ya ini i rai da chim neibhah kiwa kreh ASHA ym hun ki yei jubab yong ka Montri hawa yatoh wa i dawa pynku bai nong ya kiwa kreh ASHA hapoh ka jylla.

Hawa klam cha ki laad pathai khubor, ka Maryjune Myrsing da ong ko wa i kam ka Montri wa ki ASHA yoh ki yaka bai nong hadooh Rs. 7000 toh iwa yah bakla tangwa iwa sakhiat toh wa ki ASHA ym jooh yoh ki palat yaka Rs. 2000 man-u-bnai, wei pynrap ko wa hanla ka sorkar jylla lyngba ka National Health Mission (NHM) su ko Rs. 2000 man-u-bnai ya ki ASHA tangwa waroh ym jooh yoh lut ki ya iyi wa da kular wei boon ki ASHA hapoh ka jylla yoh ki du Rs. 800 man-u-bnai.

Heijooh i por da ong ko wa ki ASHA ki burom wei sñiawngooh ki yaka sorkar jylla wei na ini i daw waroh chi kattu ym mih madan ki wow yakhih neibhah wa em kyrmen ki wa ka sorkar daw leh ko ya iwa emkaam yow pynku yaka bai nong.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Neiliang kawa e buit ka MASHAWU, ka Soni Kharjana da ong ko wa ki ASHA da dawa ki wa ka sorkar jylla toh u pynku ko yaka bai nong yong ki naka Rs. 2000 cha ka Rs. 5000 man-u-bnai.

Da khana ko wa ki ASHA ym jooh yoh ki yaka bai nong kamwa da kam ka Montri wei da pynrap ko leh wa hadien wa da chimkti yei kaam ASHA, ym ye de ki wow lai mylla cha kiwi de ki thaw wei ini da booh ko hei eh ya ki wow pyndap ha-yung ha-sem du da ka nong wa yoh ki ha ki chnong.