Ym man u pynkhih ware ya ka Reservation Policy ya hiar pathan ka bhah: HSPDP

Ynne ka sngi ka Hill State People’s Democratic Party (HSPDP) da e yumut ko ha ka Expert Committee wow chim lang ya ka bhah wa 40% yong ki Khasi-Jaintia wa 40% yong ki Garo wow pynman bait 80% katkam ka Merit namo kat kiwa hoi dooh hawa yaleh kreh, khlem noh chiliang ya kiwi ki jaitbru.

U General Secretary ka HSPDP, u Panbor Ryntathiang da ong u wa ka Party ym yahaap ko wow mang ya ka bhah yoh kaam katkam i boon paaid deiwa ong leh wa i pynkhih ware ya ka Reservation Policy ya poi pathan cha ka 50% neibynta waroh ki jaitbru ri-loom ka jylla.

Heiyatoh wa ki kaam wa lait ha ki District, u Panbor da ong u wa ka Party da e yumut ko wa toh u mang 90% cha ki tre chnong, neibhah wa man ki kaam wa khian wei ki wym ye wow kyrriah cha kiwi ki District.