Uwa yahkhmat ka Liang Pyrchah, u Dr. Mukul M. Sangma da ong u wa i dawa wow pynbait thymme noh yei e bhah namo ka Reservation Policy da mih i neidaw wa ka sorkar jylla ymye ko wow wailaad ya ki khynroo khyllood.
Da ong u wa lada ki khynroo em ki ka laad wa ka luti, ym hap dawa næ yang kyrpang du na i bhah, tangwa kamwa man katni i daw toh wa ka sorkar ymye ko wow wailaad ya ki khynroo khyllood.
Da ong chooh chooh u wa ki paidbah hap sñiaw chngaaiñ ki ya ka Reservation Policy, wei em ki i mutdur wa lada pynbait thymme ya ka Reservation Policy, ym yohlaad ki bru na kitu kiwa da tipmit kyrpang.
U Dr. Mukul da ong u wa lada ka sorkar wailaad sakhiat ko ya ki khynroo, ym em wow kynmoo wow klam yeini waroh, tangwa lada ym yoh laad ki hap wow lai paan yarap ki na kiwa boon ki bru neibhah em ki bru leh kiwa chim kabu, wei da mih i pynbaad wa em i thung kreh cha lyndet iwa yah chei baam-tooh iwa pynchrai ya ki khynroo khyllood.
