Ym mih soh i yaklam wa u VC, u pteiñ ka MCTA yei yakhih pyrchah yei pynkrehkaam ya ka NEP

Kiwa sikai College hapoh ka satri ka Meghalaya College Teachers’ Association (MCTA) da rai ki wow pteiñ bait yei yakhih Non-Cooperation Movement hadien wa yachem ki wa u Vice Chancellor ka skurbah NEHU hajrong i pynkrehkaam ya ka NEP.

Ini toh Hadien kamwa 40 sngi wa kiwa sikai hapoh ka MCTA da pynman ki ya kani ka yakhih hajrong i rai yong u Vice Chancellor ka North Eastern Hill University (NEHU) wow pynkrehkaam ya ka National Education Policy, 2020.

Ynne neiliang u VC, u Prof. Prabha Shankar Shukla da khut u ya kiwa yahkhmat ka MCTA wow yaklam, tangwa kamwa da pyntip da ong wym em mih soh i yaklam wei ym ye wow pynhun ya kini kiwa sikai College.

U General Secretary ka MCTA, u Dr. Airpeace W Rani da ong u wa ha i yachem, u VC da pdiang u wa em i bakla hawa yatoh wa ka pynbna namo ka Notification kawa da pynmih ha ka 12 tarik u Naiynñiaw, 2023 neibynta wow pynkrehkaam ya ka NEP, tangwa hanla kattæ leh u VC da kyntait u wow pyndam ya kani ka Notification deiwa ong wym em yoh ya iwon iwon i ujor na ki Principal yong ki College.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Dr. Rani da khana u hajrong ini wym bien u VC wow pyndam noh ya ka Notification wot hadien wa pdiang u wa em i duna hei rukom pynbna, neiliang ka MCTA leh ym bien ko u pyndam ya ka Non-Cooperation Movement kawa da pynman yow pynyoo yei pyrchah yei rai u VC.