U General Secretary ka KSU, CEC u Reuben Najiar hawa wan e kti ya idæ hakhmat ka District and Sessions Judge, Shillong ynne ka sngi hadien wa kut noh i yoh jamin wa chipor iwa 14 sngi.
Hawa yaklam wa ki laad pathai khubor hajrong iwa jia ynnin ka sngi heiwa ka KSU da pynbaad ko wa em ki pulit kiwa khrong poisa na ki Truck ha u surok Shillong Bypass ha Mawkhanu wa Thangsalai.
Heiyatoh wa ini, u Reuben da ong wa ka seiñ ym bien ko wow ujor FIR yeini wa chem ko neibhah ym myntoi neidaw wa ya ka FIR uwa tooh daw bichaar da uwa tooh hi.
Chooh chooh ka seiñ da dawa toh wow kyrriah noh ya u DC ka East Khasi Hills deilang u SP wei wow takit yow chem yeiwa sakhiat.
Discussion about this post