U MLA ka Mawhati uwa man leh u secretary ka Meghalaya Pradesh Congress Committee (MPCC), u Charles Marngar da pynsariem u ya ka Sohïong Constituency wa ka Mawhati Constituency neiwa jop u ha ka Election MLA kawa dang dep wot.
U Charles man u uwi na ka seiñ Congress wow yahkhmat ya u kyrtong ka party ha Sohïong, u S. Osborne Kharjana.
Da ong u wa hawa lai yalap Election ha Sohïong, da chem u wa ki paidbah ha kani ka kynti da pynyoo ki ya ki dak wow pynjop ya u kyrtong ka Congress.
Hawa pynsariem ya ka Sohïong wa ka Mawhati, da ong u wa ha Mawhati ym em jop u da ka poisa tangwa nei maya ya ki ya oo kam u kyrtong ka Congress.
Da ong u wa ha Sohïong kiwi ki kyrtong pyrchang ki wow pynlang bru deiwa kit na kiwi ki thaw wow pynyoo bor, tangwa ha ka khubor cha ki paidbah ka Sohïong da ong wa kam kini i pynlang paidbah ym mut iyi iyi leh, neibhah wa da chem u wa ha Mawhati kitæ kiwa pynlang paidbah toh kiwa da rem bait.