U Symbood Montri Rangbah ka jylla, u Prestone Tynsong ynne ka sngi da ong u wa ki pulit dang takit ki yow chem ya kiwa emkti kawang Petrol Bomb ya ki thanat wa ki kari pulit.
Hawa klam wa kiwa thoh khubor, u Prestone uwa pait leh yaka chnat Kaam Pohyung da ong u wa ka aiñ ym tip ko ya kiwon kiwon ki seiñ næ kynhun tangwa kiwa leh ya ki kaam pyrchah aiñ daw leh yeiwa emkaam pyrchah ya ki.
Ini i ong u Prestone toh hadien wa da kylli hajrong i chah kawang Petrol Bomb iwa da sdang hadien wa da em i chah kem ki dkhot ka Khasi Students’ Union (KSU) ha kini ki sngi wa dadep.
Da ong u wa ym ngait wa i chah i chah kawang Petrol Bomb toh neidaw wa kem ya ki dkhot ka KSU.
Heijooh i por da ong u wa ki paidbah ymtoh u tieñ u smiej wei ki pulit daw leh ki yeiwa emkaam yow e yei chngaaiñ yaki paidbah ka jylla. Da ong u wa da phah ya waroh ki sahep sorkar wow husiar hawa booh yaki kari wei wow pait yaki yung krehkaam sorkar yow lait na iwon iwon i jia wei ka sorkar leh daw pynjoor ko yei uiñ sonteri ki pulit yaka nongbah.
U Prestone da ong u leh wa kitu kiwa wanrah ya kiwa kreh na baar jylla toh u bood ki yaki kyndon wow pynbiang yaki kot ki sla yong kiwa wan mylla khamtam ka Labour License.
Kam wow pynkynmoo wa da em kamwa 7 sien i jia kawang Petrol du ha chi bnai wa da lai.
Discussion about this post