Ym pdiang ka Khliehmyntriang yeiwa pynmih khubor da ki bru wym em i sñiawthooh wa ka chnong

Heiyatoh wa ka khubor wa da phah da ki kattu katni ngut kiwa chong chnong yow dawa na ka JHADC wow pynkylla noh yei rukom jied waheh chnong hapoh ka Khliehmyntriang, neiliang ka dorbar chnong da e jubab ko deiwa ong wym ye u pdiang yeini.

Da ong wa kini ki bru wa phah ya ka khubor toh ki wym em i ya sñiawthoohlang wa ka chnong.

Neiliang ka chnong da ong ko wym pu em rai ko wow jied thymme ya u waheh chnong deiwa thap Vote næ deiwa pynemkaam da ki Ballot Paper.

Da ong leh wa ka chnong ym pu em rai ko wow jied waheh chnong neibhah tang ka Sanat wa kattæ ym pu em kut ko.

Kamtæ neiliang ka chnong wa ka Executive Committee da rai ki wow beiñ joor ya kitu ki bru wa da pynbood naam yei pyrtuid ka chnong wei kiwa emkti wow yahbkla yei pyrtuid ka chnong khlem da yoh bor.

Da pyntip leh ya kitu ki bru wa emktilang wow pynemkaam bakla yei pyrtuid ka chnong wa daw chim da kawi ka rai kammon wow leh ya ki.

Related posts

Sñiawkhia ka Supreme Court wym ye ka NHAI u khoom u kdoh ya ki Dhaba hadooh wa poi chei tyrrah kari

December 15, 2025

Chongchit ka lehkmen pynhaap pyrda dap 50 snem ka Govt. Girls’ HS School Jowai

December 15, 2025

Ka Wyrta wa da phah da u Waheh Chnong ka Khliehmyntriang, u Pleit Dkhar.

Puræ leh: Dawa ka chnong Khliehmyntriang na ka JHADC wow pynman yei jied waheh chnong deiwa thap Vote