U Gavin M Mylliem uwa man u MLA ka People’s Democratic Front (PDF) da ong u wa i por daw batai ko ya ka khubor wa da mih wow psiah NPP noh waroh 2 ngut ki MLA ka Party.
Ka khubor da hær smat ko wa ki MLA ka PDF, kitæ u Banteidor Lyngdoh na Mawkynrew wa u Gavin Mylliem na Sohra daw lai psiah noh ki cha ka seiñ NPP.
Tangwa hawa pyrchang wow yaklam wa u Gavin uwa man leh heijooh i por u President ka PDF, da kyntait u wow khana iyi iyi deiwa ong hi-eh wa i por daw batai wei katni ym pu ye u batai.
Lada psiah kini ki arngut ki MLA cha ka NPP, ka NPP daw em noh ko 28 ngut ki MLA hadien wa da em leh i yaklam wa ye u khih ka sorkar hadien ka Election ha Sohiong ha u bnai wow wan.
