15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym pu boi ai yaka rel katwa ym pu em ki aiñ yada jaitbru: Hamlet

Advertisement ad1
Advertisement ad1

Shillong: U Working President ka People’s Democratic Front (PDF) uwa man leh u MLA ka Mylliem wa u Montri ha ka sorkar Meghalaya Democratic Alliance (MDA), u Hamletson Dohling da ong u ka PDF ym pdiang ko yei wan ka rel ha ka jylla katwa ym pu em ki aiñ næ ki laad wow yada ya ka jylla nei wan tyllep yong kiwi.

Da ong u wa i pyrchah ya ka luti rel ym toh kawa thymme, tangwa nadooh ki por nachwa wa dang man u kam uwa yahkhmat ka KSU, da yieñ skem u wow pyrchah wei hadooh kattæ katwa ym pu em kawon kawon ka aiñ kawa skem wow e yada ya ka jaitbru. Da ong u wa ym pu boi ai yaka rel kit bru yaka rel kit mar, tangwa iwa kongsan katni toh wow wanrah chwa ya ka aiñ kawa skem wow yada ya ka jaitbru.

Hawa kylli hajrong i kwah yong ki seiñ saiñpyrthai wow em ka rel kit mar, da ong u wa ym kwah wow klam ya i kwah yong kiwi ki seiñ saiñ pyrthai, tangwa iyi wa yieñ skem deilang waka Party PDF toh katwa ym pu em i yada ya ki jaitbru ym pu man wow wanrah ya ka rel cha kani ka jylla.

Da ong u wa lada ka sorkar thmu ko wow wanrah ya ka rel cha kani ka jylla toh u pynkreh kaam noh ya ki Entry Exit Point, wei ini i kaam hadooh kattæ ka Party dang booddien ko yow pynyoh smat noh, lane wow pynkrehkaam ya ka Meghalaya Residents Safety and Security Act (MRSSA) khnang wow ye u yada ya ki jaitbru.

Chooh chooh da ong u wa ka Inner Line Permit kawa ka sorkar da dep ko wow mynjur ha ka yung dorbar ha u Kmaichonglad (Dec) ha u snem wa da dep da toh wow pynkrehkaam noh. Da yaroh u leh ya ka sorkar Meghalaya Democratic Alliance (MDA) wa da chim khia ko wow mynjur ya ka ILP ha ka yung dorbar, neibhah ha ki snem wa da dep ym pu em kawon kawon ka sorkar kawa kwah wow yaklam ya ka ILP.

Share this:
Previous

Daw rai yei wai ki thaw mane Blai ha kani ka tayaw, da pynsñiaw ka SAFF yei pynkylla yaki kyndon

Next

Da pynbna Micro Containment Area yaka Staff Quarter wa em hadien ka Raj Bhavan