15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym pu chim rai ka sorkar hajrong wow pynlai yaka 108: Hek

Advertisement ad1

U Montri wa pait ya ka chnat i chait i khiah hapoh ka jylla, u Alexander Laloo Hek da ong u wa ka sorkar ym pu em ko yei thmu wow chimkti pynlai noh ya ka EMRI 108 wei ym pu em leh iwon iwon i rai hawa yatoh wa i e wai ya i chakri Ambulance 108, wei ong u leh wa i krehkaam yong ka GVK u pteiñ chwa i.

Da ong wa ka sorkar daw hap e laad wow pteiñ ya ka GVK katwa ym pu ekti ha kiwi won ki Company wow pynlai neibhah wa ym kwah wa i kaam u tkoh næ u thut ki paidbah.

Hawa kylli hajrong i dawa ki wakreh ka EMRI 108 wa ka sorkar toh u chimkti noh ko wow pynlai, neiliang u Hek da ong u wa neiliang ka sorkar ym toh iwa suk neibhah wot ya kiwa boon ki kaam ha ki chnat waphær waphær la man i yong ka sorkar pyrdi næ sorkar jylla, da ekti wow pynlai da ki bru samen næ ki Company, heiwa da pyntip wa neiliang ka sorkar da em chiboon ki yaklam tangwa hadooh katni ym pu chim yei rai.

Da ong wa ka sorkar da ap ko yei ood ki wakreh ka EMRI 108 wei da em i ya pynbait leh hapyrdi ki wakreh wa kiwa pynlai ka 108 ha ki por wa da dep, tangwa da pynrap wa katni kammon u man wa ka sorkar u hap khut lum biang ya ka yalang.

Kam wow kdaw heini wa ka soskular krehkaam yong ka GVK EMRI u kut noh ko ha uni u bnai, wei neiliang ki wakreh katai ka Company da dawa ki wa ka sorkar toh u pynkut noh ko ya ka soskular wei toh u chimkti hi noh wow pynlai heiwa da dep leh wow pynman yaka yakhih ha ki por wa da dep.

Share this:
Previous

Da dep phah lut ka sorkar cha ka DoNER yow chna noh ya u sarok khappood Bangladesh: Prestone

Next

9 ngut kiwa dang yoh wa 5 ngut kiwa chait na u COVID-19 ha Meghalaya