Ym pu em biang u Rahul Gandhi wow yahkhmat ya ka ri: Dr. DD Lapang

Shillong: U montri rangbah warim ka jylla u DD Lapang hadien wa chim u ya ka chuki Chief Adviser ka sorkar jylla Meghlaya da ong u wa ym em yoo u ya ka ki sngi wa tyrchaaiñ ya ka Congress hapoh i yahkhmat ka u Rahul Gandhi ha kani ka Election MP kawa daw pynman ha u snem 2019.

U Lapang leh da ong u wa u Rahul Gandhi ym em u ki sap wow man kam u kyrtong wow man kam u Prime Minister ka ri.

“Kamwa man u Rahul Gandhi lada man Prime Minister u, ka ri ym poi ko cheiwon cheiwon leh,” wei da pynrap u Lapang deiwa ong wa u Rahul Gandhi ym em u ki buit wow yaklam wow pynyatoh lok wei ym em man u u bru wa sniaw khian wei dang khynnah ware u.

Heijooh i por leh da ong u waka yung Gandhi da pynmih ko kiwa boon kiwa ye u yahkhmat ya ka ri tangwa katni ym em ko u bru wa biang wow yahkhmat ya ka ri.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

U Lapang da ong u leh wa da toh i por ya ka Congresss wow sai mihkhmat ko ym du napoh ka yung ki Gandhi lada kwah ko u im wei emkaam ko da ki bru kiwa biang kiwa em ha i thaw wow yahkhmat.

“Nga ym toh uwa ye u ong wa ka myntep cheiwon u lai ko tangwa i daw wa ieh O ya ka Congress toh i rukom pynlai ki ka ka Congress man ko kawa yaphær bha nachwa.” Da ong u Lapang.

Da jubab u leh wa lada ye u u uiñ biang cha ka Congress lada ym em u Rahul Gandhi kam u National President ka Congress da ong u wa kheiñ u ya ka Sonia Gandhi kam ka bei u kawa yah luti oo ha kiwa boon ki kaam.

Da ong u leh hadien wa da biang i por daw yachem u waka Sonia wow paan yei kyrkhu yong ka wei wow e khublei yeiwa waroh da yarap ko ya oo.