U President ka Meghalaya Pradesh Congress Committee (MPCC), u Dr. Celestine Lyngdoh da ong u wa ieh u ha i stat wa i rai yong ka All India Congress Committee (AICC) wow pyndam næ wow pynneh ya oo kam u President ka Party.
Hawa klam ynne ka sngi hadien wa yachem wa u Manish Chatrath, uwa man u Secretary ka AICC In-charge Meghalaya, u Dr. Celestine da kyntait u wow klam chiboon hajrong ka kaam President ka Party, tangwa da ong u wa hadooh katni ka samoi krehkaam ka yong oo leh ym pu em kut ko.
Da ong u wa ym toh iwa jhan wow kylliang ya u President ka MPCC, khamtam ka Election ha ka jylla dang sah ko sa 2 snem.