15 49.0138 8.38624 1 0 4000 1 https://wyrta.com 300 0

Ym pu em poi ka Ordinance yong ka MRSSA cha yung u Lat

0 Comments
Advertisement ad1

Shillong: U Lat ka jylla, u Tathagata Roy da ong u wa hadooh ynne ka sngi ym pu em poi ka Ordinance wa da mynjur da ka sorkar jylla hajrong ka Meghalaya Residents Safety and Security Act (MRSSA), 2016.

Hawa klam wa kiwa thoh khubor, u Lat da pyntip u wa hadooh i por 11 waje i step ka ophis Governor Secretariat ym pu em yoh ko iwon iwon i thoh wa yatoh wa katai ka Ordinance.

Advertisement ad1

Hawa kylli hajrong i sñiaw yong oo ya kani ka Ordinance wa da wanrah da ka sorkar wow pynkhor yei wan wa i psiah ki bru wa na baar, u Lat da kyntait u wow ong iyi iyi leh neidaw wym pu poi ko ha kti yong oo.

Ha chwa ini, neiliang u symbood montri rangbah, u Prestone Tynsong da pyntip u wa ka sorkar jylla da phah ko yaka Ordinance cha Raj Bhavan wow yoh ya ka muhor na u Lat u Tathagata Roy.

Hawa yaklam wa u montri rangbah ka jylla, u Conrad K Sangma da ong u wa ka sorkar daw pynkrehkaam noh ko chisyndon yei chim pyrtuid ya ki bru wa wan na baar hadien wa yoh ya ka muhor na u Lat ka jylla.

U Conrad da pyntip u wa da dep wow soi ya ka Ordinance wei da rah da ka Political Department, deiwa pynsñiaw leh ya i kyrmen wa kani ka File da poi ko ynne cha Governor Secretariat.

Katkam i ong u montri rangbah ki kor wa ki rukom krehkaam neibynta wow chim pyrtuid da sdang wow pynkhreh.

Advertisement ad1

0 Comments

Leave a Reply