Shillong: Ka sorkar jylla da phah ko ya ki le tylli ki Autonomous District Councils (ADCs) wow pyntikna ki wa ki bru wa ym em yoh bor ym toh u khynra ki yaki Labour License hapoh u jar jiar u pood u ang yong ki.
Ya kani ka hokum da e haka yalang wa khlieh da u montri rangbah u Conrad K Sangma deiwa emlang kiwa mihkhmat ka KHADC, JHADC wa GHADC kawa pynman ynne ka sngi.
Ha kani ka yalang da em leh u symbood montri rangbah u Prestone Tynsong, u District Council Affairs Minister u James K Sangma, u Urban Affairs Minister u Hamletson Dohling wa u PHE Minister Samlin Malngiang.
Hadien kani ka yalang, u James K Sangma da pyntip u cha kiwa thoh khubor wa da yoh yutip ka sorkar wa em ki kttu katni kiwa da kam wa ki toh ki wakreh ki District Council wei pynman ki yei khynreh ya ki Labour License wa kiwi de ki kaam kiwa ym ye u pdiang wei da pyndik ki ya ki bru.
“Da phah i ya ki District Councils wow pynmih ki yaka hukum yow khang ya ini lait noh du da kiwa kreh yong ki,” da pyntip u James.
Discussion about this post