Ka Congress ym pu em rai ko ya u kyrtong neibynta ka Tura Parliamentary Seat, wei yeini da pyntip da u MLA ka Congress uwa man leh kam u Chief Whip ka Party, u Saleng A Sangma ynnin ka sngi.
Da pynche u wa ka Party ym pu em klam wei pyrkhat ko ya u kyrtong neibynta ka Tura wei ka Party hi ym pu em yaklam ko leh neibynta ki kyrtong ha kiwi won ki bynta ka ri India.
Hawa kylli lada bien u wow yaleh da oo na Tura, da ong u wa ym ye u wow ong wei katni da man u kam u MLA wei hap u leh u pait yei long i man ka Party.
Chooh chooh da ong u wa hanla kiwi da pynbna kyrtong ki, ym em mut wa ka Congress leh hap ko wow bood yeini wei ka Party hi dang lai ko chakhmat wow pynkhreh yeiwa emkaam ha waroh ki kyrdan.
Da ong u leh wa sñiawskem u wa ka Congress daw jop biang ko na Shillong ymtoh kamwa da kam kiwi wow knieh noh ya kani na kti ka Congress neibhah ki bru dang chaniah wei ngait hi ki haka Congress.
Chooh chooh da ong u wa ini wa dep da chah chet kylla ka Congress chwa ka Election ha kiwa boon kiwa yahkhmat wei kyrmen u wa daw jied biang ki bru yaka Party.
Discussion about this post