Shillong: U Working President ka Peoples’ Democratic Front (PDF) uwa man leh u montri ka sorkar jylla, u Hamletson Dohling da pyntip u wa ka PDF da yachem ko wa u montri rangbah, u Conrad K Sangma ynnin ka sngi wow booddien ya ka Resolution dawa pynkrehkaam ya ka Inner Line Permit (ILP) ha kani ka jylla wow yaklam wa ka sorkar pyrdi.
Hawa klam ynne ka sngi, u Hamlet da pyntip u wa neiliang u Conrad ynnin hi ka sngi da phone u cha Delhi wow thooh yutip ya ka por wow yachem, tangwa kamwa man katni ym pu em yoh ya kawon kawon ka jubab. Da ong chooh chooh wa neiliang ka sorkar jylla man ko kawa da pynkhreh wow lai ha kawon kawon ka por wa khut yow yaklam hajrong ka tai ka phang.
Da ong wa ya ka ILP da pynsñiaw u wa man ko kawa emkaam nadooh i por wa man u kam uwa yahkhmat seiñbhalang, wei katni man ko ka por kawa biang bha wow pynyoh ya ka, deiwa pynrap wa ka sorkar u dawa bait ko ya ka ILP hanla ym pu ye u pyntikna lada u yoh næ ym yoh.
Discussion about this post