Shillong: Ka bai baam tymmen ki MDC warim ka KHADC dang sahkut ko ha ka Kashari Meghalaya High Court hadien wa ujor mukotduma uwi u briew wa da tip kam u Lester S Kharnary.
Ya ini da pyntip da u Montri Rangbah ka jylla, u Conrad K Sangma hawa jubab ya iwa kylli u MLA ka Mawphlang, u Syntar Klas Sun ha ka dorbar ynne ka sngi.
U Conrad da pyntip u leh wa ka bai baam tymmen ki MDC ka GHADC ka sorkar da pyllait ko neibynta u snem 2013-14 da ka Grant na ka sorkar jylla.
Hawa pynrap yeini neiliang u Sunn da ong u, neiyi i daw wa ka sorkar ym ye ko wow pdiang ya ka bai baam tymmen ki MDC ka KHADC katwa ya ka ki MDC ka GHADC won da dep pyllait neibynta utai u snem, neiliang u Conrad hawa pynche chooh chooh hajrong ini da ong u wa emkaam poisa kamwa da paan da ka KHADC ha katai ka por wow su bai baam tymmen da man ko archah, itæ T. 5.39 klur katwa ka GHADC won du T. 2. 54 klur tam.
U Conrad da ong u wa nalor kani ka kaam dang sahkut ha Kasari, ka sorkar ha katu ka por wei em leh i duna poisa iwa pynsah ya i su ya ka bai baam cha ki MDC ka KHADC.
Discussion about this post