September 26, 2018

Ym slem de da sdang noh ya ka thaw psiah thaw mih na Mendipathar: Conrad

Shillong: U Montri Rangbah ka jylla, u Conrad K Sangma da ong u wa ka sorkar daw sdang pynkrehkaam noh ko ya ka Entry wa Exit Point na Mendipathar, kawa man ka thaw sahneh (station) rel chwa wow pyndep won cha kiwi ki thaw.

Hawa jubab ynne ka sngi hajrong i khang laad ya ki bru wa wanrah da ka National Register of Citizens (NRC) wa da kylli da u MLA ka Mawlai u Process T Sawkmie ynne ka sngi ha yung dorbar, u Conrad da ong u wa ka sorkar da pynkrehkaam ko kajiak chisien neidaw wa duna poisa ka sorkar.

Da ong u wa lyngba ka Meghalaya Resident and Safety Security Act 2016, ka sorkar da thmu ko leh wow pynbha ya ka, deiwa pynkup bor ya ki bor synchaar slchnong wow khoom wow kdoh ya i wan psiah ki baar jylla.