Ym toh du ka NPP wa chimkhia yeibooh tarik wow kynmoo ya ka Good Governance wa Digital Day: BJP Meghalya

Shillong: U Vice President ka BJP Meghalaya, u John Antonio Lyngdoh da ong u wa i kam wa toh du ka NPP kawa chim khia yei booh tarik ya ka Good Governance Day wa ka Digital Day toh iwa bakla.

Ha ka kyrwoh khubor wa phah ynne ka sngi, u John da ong u wa ka BJP da dep chong yalang ko neibhah ini nadooh ka 16-11-16 neibhah ini neidaw wa ka Good Governance Day haap ko ha ka 25 u Kmaichonglad (December).

Hajrong ini ka BJP da dep thoh ko cha ka sorkar pyrdi wa ka jylla Meghalaya ym ye ko u pdiang ya kani ka 25 tarik neibhah toh ka sngi Christmas heiwa boon ki jylla ka thaiñ mihsngi leh kmen Christmas ki.

“I da sñiawngooh sakhiat i ya kiwa yahkhmat ka BJP ha nongbah Delhi kiwa da pdiang ya kani ka kyrpaad wei da kylla noh ki ya ka cha ka Good Governance Week,” da ong u John.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa ka sorkar pyrdi da chimkhia ko ya ini wei da phah ko ya u Gopal Khrisna Agarwal u Spokeperson ka BJP wow pynbna ya ini ha ka Shillong.

“I da chimkhia i leh heiyatoh waka Digital Day kawa haap ha ka Good Friday wa dadep. I da booh i ya ka kyrpaad chadooh u Montri Rangbahdooh ka ri u Narendra Modi wot ka 17-North Shillong Mandal Committee da chong yalang ko wei da thoh ko leh cha u Montri Rangbahdooh wei ym man i iwa sakhiat wow ong wa du ka NPP wa chimkhia ya ini i kaam.” Da ong u John.