U Montri wa pait ya ka chnat PWD (Buildings), u Dasakhiatbha Lamare da ong u wa katkam i kwah i yong oo, ym sñiaw yahaap u wow pynkylla yei dur yong ka yung dorbar chan aiñ wa thymme, wei ym sñiaw yahaap wow ong wa ym toh de wow booh yei khlieh tnoom wa langdong namo ka Dome.
Da ong u wa ha oo samen du neidaw wa haap ini i khlieh tnoom ym toh wow pynkylla yei pynwandur ya katai ka yung neibhah wa toh i chna yow sah naam neibynta ka jylla, wei pynrap u wa lada em kiwa e yumut wow chna noh da kamwi daw kyntait bait u.
Da ong u katni ini i khlieh tnoom da haap i, ym phær wei toh u kynrong biang deiwa pynkhlan ya ka neibhah wa man i iwa pynmiat wei kani daw man ko kawi na iwa chna wow rah yow tipmit ya ka jylla.
Hawa yatoh wa i pyrchah yong ka MUDA wow booh ya kani ka khlieh tnoom ha katai ka yung, u Dasakhiat da ong u wa ka MUDA ym em pyrchah ko, tangwa e yumut donhi wym toh u booh, wei da khana u leh wa i e yumut leh toh hadien wa da dep haap i khlieh tnoom.
