Ym yakhun Election ka Roshan Warjri ha u 2018, tyrwa won da u WHD Syngkon kam u kyrtong

Shillong: Ha ka General Meeting ka North Shillong Block Congress Committee wa pynman ynnin ka sngi ha yung ka Montri i chait i khiah ka Roshan Warjri heiwa da emlang leh u Working President ka MPCC u James S. Lyngdoh, General Secretary ka Shillong City Congress u K. Marbaniang, ki dkhot ka BCC, ki Unit ka Constituency waka Block Mahila Congress, ka Montri da pynbna ko wa ym yieñ yakhun election MLA de ko ha u snem 2018.

Ka Roshan Warjri ka MLA ka North Shillong hei klam yong ka da pynsniaw ko yei sniawngooh ya ka Block Congress Committee kamjooh leh ya ki paidbah yei maya wei kyrchaan ki ya ka ha kini ki snem wa da lai. Da ong ko wa da pyrchang ko katwa ye u kreh neibynta ki paidbah wei yei daw wym yaleh Election toh na ki daw yong ka hi samen.

Kiwa emlang ha kani ka yalang waroh da yaroh ki ya ka Warjri ya ki kaam wa bha wa da dep leh ko kam kawa mihkhmat ya ki paidbah.

Ha kani ka yalang da chim won da ka wi ka rai wow pynyieñ da u WHD Syngkon uwa man kam u Legal Advisor ka MPCC kamjooh ya ka North Shillong BCC wa uwa yah khmat ka Party wow yaleh MLA u na ka North Shillong Constituency.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da rai leh wow kreh tylli lang yow wanrah ya i jop.