Ym ye u khang yei khrong dan ki Dolloi : DC WJH

Jowai : Hadien wa mih boon kiwa pyrchah yei khrong dan ka Dorbar Ki Dolloi Ka Ri Jaiñtia, da yoh u Wyrta u yaklam wa u DC ka West Jaiñtia Hills, u Arunkumar Kembhavi hei yatoh weini.

Kamwow pynkynmoo heini ka seiñ Jaiñtia Hills Truck Owners Association da pyrchah ko ya ki Dolloi u khrong dan ki na ki truck, wei neiliang ka JHADC da maham ko wow pynchitom ya ki Dolloi lada pteiñ ki u khrong dan.

Heijooh i por ka JHADC da thoh ko leh cha u DC wa u SP ka West Jaiñtia hei yatoh weini.

Neiliang u DC da pynche u deiwa ong wa katkam ka hukum ka Supreme Court ka ri da e bor ko ya ki Dolloi u khrong dan ki kawa tip kam ka “Customary Tax”.

Chooh chooh da ong u wa katkam ka kyndon Clause 5 yong ka Sanad wa e ka JHADC cha ki Dolloi da ong wa ki Dolloi ye hi ki u khrong ya ka Customary Tax kawa jooh leh ki.

Related posts

Le ngut ki MDC ka TMC kiwa daw psiah cha ka NPP: Conrad

November 2, 2026

Ya ka Election cha GHADC daw pynbna hadien ka Delimitation

April 15, 2026

Neiliang u DC da e u leh ya ka hukum wa ong wa ki Dolloi ye hi ki u khrong dan katkam ka hukum ka yung bichaar.

Hei yatoh won wa ka kyndon wow booh ka JHADC ya ki chwa u khrong ki, u DC da ong u wa ini toh i kaamram ka Council wei ymtoh yong ki bor ka District.