Ym ye u Rakkam wow jubab yei daw wa slem u chna ya ka ka College of Architecture & Urban Planning

U Montri ka chnat Puræ Puthi ka jylla, u Rakkam A Sangma ynne hawa e jubab hapoh ka yung dorbar yeiwa kylli chaphang ka College of Architecture & Urban Planning wa em ha Tura, da jubab u wa kani ka thaw puræ toh kawa dadep chna wei ka poisa wa da mang yarap da ka sorkar pyrdi neibynta kani ka College toh Rs. 26 klur wei ka poisa wa da pynlait toh Rs. 23.4 klur.

Ka bhah wa nyngkong kawa dapoi Rs. 11.70 klur wa da pynlait ha ka 28-02-17, ka bhah wa ar kawa Rs. 5.85 klur ha ka 28-02-20 katwa ka bhah wa le kawa Rs. 5.85 klur da pynlait ha ka 03-03-23.

Neiliang u Mukul Sangma kam uwa booh ya kani ka yukylli, da kylli u wa iyi i daw wa slem u chna ya kani ka College kawa da sdang kreh nadooh u snem 2017.

U Rakkam da jubab donhi u deiwa ong wa hanla em boon i pynthut, da ye wow pyndep yei kreh. Tangwa u Mukul da kylli bait u kiyi ki daw wa pynslem heiwa u Rakkam ym ye u wow jubab.

Related posts

Daw pynman ka yachemlang ka Kur Raliang-Shiliang Myntang Elaka deilang ka pynkup burom

March 6, 2025

Ka la-ær ha Byrnihat biang hi ko katkam wa chem ki Monitoring Station ka Meghalaya

March 6, 2025

U Mukul da ong u wa kani ka kreh wa da yarap poisa da ka sorkar pyrdi wei 10% kawa e da ka sorkar jylla toh u pyndep smat yow ye u paan chooh ka poisa neibhah manda pynslem ktah ko leh ya kiwi ki kreh neibhah ymtoh u pyrkhat du ya ka College ha Tura, kammon won ya kiwi ki thaw kiwa kwah wow lai puræ ha kam kini ki College.

U Rakkam da ong biang u wa da ye u pyndep yei kreh wei kattu daw hap yang ya ka AICTE kawa wai ya ka Website ko du chisien chi snem ha u bnai December yow paan bor yow pynkrehkaam ya kani ka College.

Ha ini i por da hap yieñ u Montri Rangbah, u Conrad Sangma yow pynche wa i daw wa slem u pyndep toh kiwa boon, iwa nyngkong toh yei thaw wa chna ya kani ka College heiwa ym em sarok wow lai cheini i thaw, wei nyngkong ym em booh bhah ha ka mang poisa yow chna ya u sarok.

Neitæ da pynthut ka khlam COVID kamwa ar snem, em leh kiwi de i pynthut da kiwa chong chnong wei da em leh wa em ki hati ha ki kattu katni ki thaw wa em chajan tangwa kattæ u sarok leh dadep chna wei ka College toh kawa dadep chna.

U Mukul da yieñ biang u wow ong wa u Montri ka chnat Puræ Puthi da pyrchang u wow murieh yeini waroh iwa toh i hok wow tip ka yung dorbar wei ymtoh wow e laad u leh ki Montri kamni.

U Conrad da yieñ won u wow ong wym em i pyrchang wow murieh ya iwon iwon da u Montri wei da ong donhi u wym chem u hapoh ka File yong oo yei daw wa slem i kreh.

U Mukul da jubab u wa kammon u Montri Rangbah tip u yei daw wa pynslem katwa u Montri ka chnat ym tip u neibhah da yooluti wa u Montri toh u tip lut u.

Hadien ini, u Rakkam ym ye u leh wow khana katwon tylli ki kreh wa toh u thung neibynta kiwa sikai wa kiwi kreh kani ka College heiwa da hap yieñ wow jubab yeini da u Conrad uwa da khana wa em 40 tylli ki kreh heiwa 20 tylli toh neibynta kiwa sikai.