U Symbood Montri Rangbah ka jylla, u Prestone Tynsong ynne ka sngi da khana u wa ka sorkar da phah ko ya ki bor pynlai District waka chnat pulit wow paitbniah ki hajrong i khrong poisa pyrchah yaka aiñ da kiwa kam toh ki seiñbhalang næ da kiwon kiwon ki bru.
Da ong u wa man ko pyrchah yaka aiñ wow khrong poisa khlem da yoh yaka muhor wa da e bor da ka yung krehkaam ki Deputy Commissioner, neibhah ka aiñ ym chah ko wot wow lai paan yarap poisa katwa ngait khlem da yoh bor.
Yeini da ong u Prestone uwa man leh kam u Montri ka chnat kaam pohyung hajrong i yoh lum khubor wa em ki kattu katni kiwa pyrchang wow lum poisa na kiwa khayi wa na ki thaw krehkaam ha nongbah Shillong.
Da ong u wa ka sorkar da phah ko ya ki bor District wei kamjooh ya ki pulit wa toh u leh ki deiwa eh ya kiwon kiwon kiwa lum poisa pyrchah aiñ khlem da yoh bor na ki bor wa toh u pait.
Discussion about this post