U symbood montri rangbah ka jylla u Prestone Tynsong da ong u ynne wa ki thaw sumaar ym ye ki wow kyntait wow sumaar ya ki bru du neidaw wa suba wa em ki ya u COVID-19 wei ini man iwa pyrchah yaka aiñ.
Ya ini da ong u hawa kylli yeiwa em kiwa chah kyntait ha ki thaw sumaar du neidaw wa wan ki na ki thaw wa em wa yoh COVID-19, deiwa pynrap u wa ka sorkar ym pu em yoh ko yaka bui Report heiyatoh wa ini wei ki thaw sumaar da booh yaki kyndon wa hap ki wow bood lada wan phah sumaar ki bru wa suba wa yoh COVID-19.
Da ong chooh chooh u wa toh u yah ya kam kini ki bru cha ki Emergency Desk yow booh ya ki haki thaw wow pynchong yaki samen wei wow bood leh ya kiwi ki kyndon wa da toh u leh wei i kyntait wow sumaar ya kini ki bru man ko pyrchah yaka aiñ kamjooh daw pynngat ya ki thaw sumaar haki kyndon ka aiñ lada kyntait ki ya kini ki bru.
