U Montri ka sorkar jylla u AL Hek hawa klam kam u kongsan ynne ka sngi ha ka Chaad Sukra ka Seiñraij Jowai da ong u wa ym ye wow pynbaad du ya ki paidbah neibhah kam ki Politician ki leh lum ki ya ki paidbah heipor wa pynman ya ki yalap Election.
Ya ini da ong u hawa klam hajrong ka khlam COVID-19 kam u Montri wa pait yaka chnat i chait i khiah heiwa ka khlam toh kawa dang em hadooh katni.
Da ong u wa ym yohsa wa ha kam ini i por wa hap wow mih paidbah wow sakhi neibynta ka dustur riti, tangwa toh u pyrkhat kammon wow yada ya idæ kamjooh ya kiwi leh.
“Ha kam kini ki por wow ong ya phi wow leh ya ka Social Distancing leh ym ye, wei i sñiawthooh i yei eh ki paidbah. Nga ym pynbaad O ya phi wot i ki Politician leh ha ki Rally ka Party BJP waheh waheh da pynman i ha Assam, West Bengal, ki leh man ki kamni, ym pynbaad ya phi ki paidbah, hap wow pynbaad ya idæ leh kam ki Politician, neibhah i leh lum i ya ki paidbah deiwa lai pynman ya ki yalap Election. Neitæ i daw hap wow man kiwa husiar wow yada ya idæ.”