Ym yohlaad ka HYC wow pteiñ ya ka ‘Save Hynñiewtrep Mission’ ha khmat ka Shillong Polytechnic

Shillong: Ki dkhot ka Hynñiewtrep Youth Council (HYC), kiwa da sdang ya ka yakhih kawa tip kam ka ‘Save Hynñiewtrep Mission’ deiwa li yeiñ ha kat kiwa em ki thaw wa u montri rangbah namo ki montri sorkar lai ki yow sai ya ki Placard yong ki kiwa em ki ktien chaphang iwa emkaam ka jaitbru kamjooh leh ya ki 14 tylli ki phang wa dawa ka seiñ.

Ynne ka sngi ym yohlaad ki u leh ya ini ha ka yalang wa wan u Dr. Mukul wow booh moo-yurim ya ka Shillong Government College of Engineering kawa pynman ha Shillong Polytechnic, Mawlai.

Hawa yakhlam wa kiwa thoh khubor u Asst. Secy. ka HYC, u Rhembor Saibon da ong u wa neidaw wa pynkrehkaam u Deputy Commissioner ya ka kyndon 144 CrPC ki pulit wa ka magistrate, ka B. Pakyntein ym chah ki ya ki dkhot ka seiñ wow sai ki ya ki Placard.

Da ong u wa ka seiñ ka burom ko ya ka aiñ, tangwa u ptein ko ya ka yakhih kawa jai jai.

Related posts

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

“Katwa i dang ye i u chah, u chah i wat lada ka sorkar ym ap ko yei dawa ka seiñ tangwa lada ka seiñ ym neh chah de ko daw chim da kiwi tawan ki laad yakhih kiwa eh,” ong u Saibon.

Kani ka yakhih ‘Save Hynñiewtrep Mission’ yong ka HYC da man ko ha kini ki le sngi heiwa da bood ki oo montri rangbah cha ki yalang paidbah wa pynman ha Mawkhar, Ranikor wa ha Mawlai ynne ka sngi.