Ymbien ka sorkar u yaklam yasuk wa ka KSU: Mukul

Shillong: Ka sorkar Meghalaya da rai ko wym khut ko ya ka Khasi Students’ Union (KSU ) wow yaklam lada ym sangeh chwa ki ya ki kaam thang yung thang kari hei yatoh wa pyrchah ko ya ka luti rel.

Hawa yaklam wa kiwa pathai khubor hadien wa wai ka yalang ka State Security Commission, u Dr. Mukul Sangma da ong u wa ym em yooluti u wa ka KSU u leh ko ya kam kini ki kaam damok wow thang wow tympra ya ki mar ki mata.

“Lada ka KSU kwah ko wa ka sorkar u khut yaklam ko ya ki, toh u sangeh ki bran bran ya ki kaam damok wa ki kaam pyrchah aiñ yong ka” ong u Mukul.

Chooh chooh da ong u wa ka sorkar u yaklam ko wa ki bru wa jai jai neibynta i bha i miat ki paidbah ka jylla kiwa em leh i kitkhlieh.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Hei yatoh wow sangeh chwa yei chna luti rel ha Ronghona, Ri-bhoi dist, neiliang u Montri Rangbah da ong u wa daw chong bichaar mynstep ka sngi yeini.

Neiliang ki pulit da pyntip ki wa ynne ka sngi da em ki damok wa thang ya ka yungkrehkaam ka Sericulture wa em ha Mawdiangum, Nongpoh Ri-bhoi.

Neiliang ka KSU won da pyntip ko wa ki pulit da kem ki ya u Biangbor Paliar, Organising Secy. ka seiñbei wa uwi u dkhot na Mawlai.