Jowai : Ynne ka sngi ka FKJGP, Jaiñtia Hills hapoh i yahkhmat u President yongka u ma Tuesday Lytep dalai yachem ko wa u Dr. I. Tongper uwa man leh kam u DM&HO ka Jaiñtia Hills yow kylli takit heiyatoh wa i rukom man i long ki thaw sumaar hapoh ka ri-loom Jaiñtia.
Ha ini i yachem da ong wa ki thaw sumaar kam ki CHC waki PHC wa em ha Namdong, Iooksi, Jarain, Nangbah wa ha Bataw ym em doctor ki neidaw wa boon na ki emkaam u lai chah sikai pynpliah ki næ ya iwa tip kamki ‘Training’ du chi snem hadien wada kreh ki.
Ini da pynman ki wa boon naki thaw sumaar ym em doctor ki neibhah wa ym ye ka sorkar u bujli næ u thung da kiwi tawon heithaw yongki.
Hadien ini da kynnoh leh wym em DM&HO ha East Jaiñtia Hill kawa man leh ka district wadang mih thymme wot.
Ka seiñ da chem ko leh yei ood kiwa kreh ka tnat wym em yoh tulop ki daki boon bnai (la kamwa le bnai kattu).
Kamtæ ka seiñ kawa kreh mon sñiawbha heiyatoh hadein wa lai yachem ko wa u DM&HO heiyatoh wa kini waroh da kular u Dr. I. Tongper wadaw chimkhia u pynbait yeini rukom tkoh kreh kaam kini ki CHC/PHC.
Discussion about this post