Ympu chemdien ya ki koidi wa yut wei da pynchitom ya ki ar ngut ki pulit: SP WJH

Heiyatoh wa i yoh yut ki ar ngut ki koidi ynnin ka sngi na Jowai Civil Hospital, Ialong hadooh ynne ka sngi ympu chem ya kini ki ar ngut.

Kam wow pynkynmoo heini kini ki koidi da yut ki ynnin heipor kamwa 7:20 i step wei kini ki ar ngut kynthup ki ya u Small Phawa uwa na Riatsasim, Jowai wa u Kwal Laloo na Maskut, West Jaitñtia Hills.

Hawa yaklam u Wyrta wa u SP ka West Jaiñtia Hills u Bikram Marak ynne ka sngi, da pyntip u wa hadooh ynne ympu chem ya kini ki ar ngut deiwa pynrap leh wa da beh kreh (Suspend) ya ki ar ngut ki pulit kiwa sonteri ya ki.

Related posts

Chah dawa poisa uwi uwa na South West Khasi Hills ha ka GNLA-R | Chah kem san ngut deilang uwi u khynnah

November 3, 2025

Suba wa chah tynyap uwi ha Myntkung | Wiar ka kjat tidiang

November 1, 2025

U Marak da ong u leh wa ym em u lait rood heiyatoh wa i takit wow chemdien biang ya kini ki ar ngut neibhah wa katkam wa man hi dang takit ki liang wanang wow kem biang ya ki.

Chooh chooh da pyntip u wa da thung ya ka Committee wow pynman ya ka takit wow chem yeiwa jia.