15 49.0138 8.38624 1 0 4000 1 https://wyrta.com 300 0

Ympu em u rai kiwa kyrchaan ya u Prestone Tynsong wa cha kawon ka party u psiah ki

0 Comments
Advertisement ad1

Shillong: Kiwa kyrchaan wa kiwa bood ya u MLA ka Pynursla, u Prestone Tynsong ympu em chim ki ya ka rai wa cha kawon ka party u psiah ki ha kani ka Election 2018 hadien wa ka Meghalaya Pradesh Congress Committee (MPCC) da pyndam noh ko ya ka Pynursla Block Congress (PBC) dang ha kini ki sngi wa dadep.

Ki dkhot ka PBC da ong ki wa ym em de kwah ki u embynta wa ka Congress hadien wa da chah pyndam noh ka PBC ha ka MPCC, wei neiliang u President yong ka u Emlin Khongstia da pynsñiaw u yei sñiawsih wa chah pyndam ka PBC khlem pyntip khlem da yaklam wa ki.

Kiwa kyrchaan ya u Prestone won dang yang ki ya ka rai u MLA cha kawon ka party u lai ki neibhah hadooh katni leh ympu em ieh u ka ka Congress hanlada i mynsien u ym em de i wa ka Congress.

Kam wow pynkynmoo ka MPCC da pyndam noh ko ya ka Pynursla Block ha kani ka 2 tarik wei da pynkhamkti noh ya ka ha u Hanbor Khongtani wow seiñ thymme noh ya ka Block Congress ha Pynursla.

Katkam ka khubor wa da yoh, u Prestone ye u psiah cha ka BJP namo ka NPP wei daw leh u ya ini ha ki sngi wow wan.

Advertisement ad1

0 Comments

Leave a Reply