Daw khut ya ka JHADC wa ka GHADC wow emlang ki ha ka yalang wow pyrkhat ya i pynkylla ya ka Sixth Schedule

Shillong: Ka Khasi Hills Autonomous District Council (KHADC) da rai ko wow yaklam wa ka sorkar pyrdi deiwa e leh ya kadorkhat hei yatoh wa i thmu wow pynkylla ka sorkar pyrdi ya ka Sixth Schedule ka riti synchaar ka ri.

Ya kani ka rai da chim hajrong ini toh hadien i yaklam wa ki heh chnong, ki syiem wa ki seiñbhalang kam ka HYC, KSU, FKJGP, HNYF wa ka GSU.

Ynne ka sngi hawa yaklam wa kiwa pathai khubor u CEM ka KHADC u P.N. Syiem, da ong u “da chim i ya ka rai wow phah kawi don ka dorkhat yong waroh kiwa chah ktah ha ini, kam ki District Council ka JHADC wa ka GHADC.”

Da ong u leh wa waroh kiwa ye u chah ktah heini daw puræ ki ya kani ka Draft Amendment kawa kynthup ya ka Draft kawa nyngkon na ka Home Ministry ha u snem 2012, ka Draft wa ar yong ka ha u 2015, wei ka yumut wa phah nyngkong ka KHADC cha ka Home Ministry ha u snem 2013 wa kiwi kiwi.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

“Hadien wa sylli ya kini ki draft ye u khut da ka Sub-committee ha ka 8 tarik uni u bnai, dep neitæ won u phah yumut kat iwa em i duna cha ka sorkar pyrdi.” da ong u Syiem.

Da pyntip u leh wa ka yalang wow bood wow khut pynman u man ko ha ka 8 tarik uni u bnai heipor 2:00 waje nohchariñ sngi heiwa daw khut leh ya ka JHADC wa ka GHADC.

“Toh i kaamram yong ki wow wan cha kani ka yalang yong ka Sub-committee khnang wow ye u pyndap yeiwa duna ha kini ki Draft Amendment chwa wow phah ya ki cha ka sorkar pyrdi.” da ong u Syiem.