Ka lympung yalehke wa tip kam ka 3rd Khelo India Youth Games kawa da sdang nadooh ka 10 tarik uni u bnai ha nongbah Guwahati, Assam toh ka lympung wow chem ya ki khloor yalehke Sports kiwa dang khai khynroo khnang wow ye u pynjanai ya ki ha ki yalehke yong ki.
Ha kani ka lympung da wan chimbynta hadooh kamwa 6,800 ngut na ki 37 tylli ki jylla ka ri wei u yakhun ki ha ki 22 tylli ki jait yalehke.
Hadooh ka 15 tarik kawa man leh ka sngi wa san yong kani ka lympung ka jylla Meghalaya ympu em u yoh ko wot tang kawi wot leh ka takma.
Ka jylla da chimbynta ko ha ka yalehke Football, Athletics, Boxing, Judo wa Shooting.
Ka jylla wa boon takma dooh toh ka Maharashtra bood won sa ka Haryana hei wa ar wa ka Uttar Pradesh heiwa le. Na thaaiñ mihsngi won da yoh takma boon dooh toh ka Manipur kawa da yoh 25 tylli, bood won sa ka Assam 23 tylli wa ka Tripura 5 tylli.
Discussion about this post